Imibono yabanye abantu ikakhulukazi uma ishiwo ngokunamandla  (okuvamisa ukuba ibe njalo kulezinsuku ) ibukeka sengathi ivala ngci iqiniso leZwi likaNkulunkulu ,okungagcina kusezingeni lokuthi ukholo loMkhrestu ongakaqini lungabonakala lwehla esikalini. 

Enye ingxenye enkulu eyisizathu salokho ,ngukuziphathi kabi okudla amagalane ,umhobholo novucu oluningi oluba senhliziyweni  [ngivumele ngikusho kunjengoba kuyilokhu okuyikho]…izono ,sezezinziwe zayimpilo ejwayelekile kulesikhathi esiphila kuso ; zapendwa kahle zabukeka ,angithi phela uSathane uzenza ingelosi yokukhanya kanti uthi lala lulaza ngizokwengula . 

Lokho sekube nomthelela omkhulu kumaKhrestu olungakaqini ukhakhayi kuwo.Ngake ngafunda lokhu lusuku lumbe ,angazi ukuthi ngubani owakubhala lokhu ,kodwa ngeshwa ngilokhu ngiqhubeka ngikuthola kuliqiniso  :

“Sisesigabeni lakhona kubuKhrestu abantu abanandaba noma ungakugcizelela ngeBhayibheli okushowo.Imizwa yabo,izintshisekelo nemizwa yenhliziyo kunyathela iziBhalo akunandaba nezikushoyo.Abamlandeli uKhrestu balandela uMina . 

Ngakho ngingakubuza ukuthi kuwe kungokwezinga elingakanani  kuwe ukwenziwa kwesono sibe yimpilo eyejwayelekile emphakathini ,osekwenze washenxa eqinisweni naseZwini likaNkulunkulu ? Ngoba …

Isaya  40:7,8 Utshani buyabuna ,imbali iyavuthuluka  ngokuba umoya kaJehova uyaphephetha kukho.Impela abantu bangutshani .Utshani buyabuna ,imbali iyavuthuluka ,kepha iZwi likaNkulunkulu wethu limi kuze kube phakade .

Shlobo sami ,yazi lokhu iBhayibheli alisebenzi njenge facebook lakhona o-like beyinto esemqoka ukuzikala umthelela wamandla akho . Izwi likaNkulunkulu liliqiniso kungakhathalekile ukuthi  ukuxega kwezimilo nenkambo nezindlela zokuziphatha sekwedlulele  kangakanani ,futhi akukhathalekile siyavumelana  nalo noma qha . 

Ngiyazi ukuthi lokho akukho lula ,akukho ntofontofo  futhi akuvelele.Kodwa xwaya .USathane uza embathise okwengelosi yokukhanya . Ungakhohloseki . 

Yilo kanye iZwi likaNkulunkulu leli … Eliza kuwe li-Fresh namhlanje.