Ukuziqhathanisa nabanye abantu ,ngenye yezinto eyimfeketho newubuwula obukhulu obubhubhisayo ukuyenza.Ngoba nasi isambulo,uNkulunkulu akakaze alokothe ukukwenza ufane nomunye umuntu.Kodwa khona kunjalo ,sihlale sifuna ukuziqhathanisa,asikwenzi lokho?

 Ngiyakuthanda ukubona abanye abantu beba yilokhu uNkulunkulu abenza baba yikho nalokhu uNkulunkulu abenza ukuba bakwenze.UJesu uqonde ukuthi singaphuzi nje kuphela kuYe kodwa size sichichime kakhulu :

NgokukaJohane  7:37,38 Uma ekhona owomileyo, akeze kimi,aphuze. Okholwa yimi, njengokusho kombhalo, esiswini sakhe kuyakugobhoza imifula yamanziaphilayo.

Kodwa uthole ukuthi siba nokuzenyeza kokuthi ukuchichima kwethu kwehlukile kakhulu kunokomunye umuntu .

Esikhathini lakhona izimpilo zabantu bakaNkulunkulu zazisencupheni yengozi ,UNkulunkulu wangenelela ngo-Esteri nomalume wakhe uMoridekhayi.Kahle hle: 

Esteri 10:3 Ngokuba uMoridekhayi ,uMJuda wayelama inkosi u-Ahashiveroshi ngobukhulu,emkhulu phakathi kwabaJuda ethokozelwa ngabafowabo abaningi,efuna okuhle kwesizwe sakubo,ekhuluma ukuthula kuyo yonke inzalo yabo.

Manje u –Esteri no Moridekhayi babengabantu abahlukile komunye…nokho benjalo kodwa  benezingxenye ezisemqoka ngokulinganayo ,ekusindiseni abantu bakubo.

Uma siziqhathanisa nabanye abantu –“Awu mina ngeke ngikwazi ukwenza lokhu!” –impendulo ithi -, ‘phelavese ngeke ukwazi ,angithi nje  akusikho lokhu uNkulunkulu akudalela ukuthi ukwenze’ .

Noma ngabe ungu Esteri no ungu-Moridekhayi noma unguSipho noma uNosipho ,ungalenzi iphutha ,uNkulunkulu wakwenza enenhloso ekhethekile ngawe .Wakwethemba ngeziphiwo namandla futhi okuthi uma uwasebenzisa ,angikuxoxele sihlobo sami …kwenza kithi sonke esibukelayo simangale ! 

Yiba yilokhu uNkulunkulu akwenza ube yikho.Yenza lokhu uNkulunkulu akubumbela ukukwenza.

Yilona kanye iZwi likaNkulunkulu leli … Eliza kuwe li-Fresh namhlanje..