Uhlobo lokuntela oluhle kakhulu encwadini yami ,wuhlobo lwamahlaya olwenza uhleke kodwa ucabange futhi sikhathi sinye ;uhlobo oluhlekisa umuntu ecashile kodwa futhi oluhlaba enhliziyweni ,ekujuluni  kwayo .

Ngike ngazithola ohlobweni olunjalo lwehlaya kokusasikhangiso kwi social media .Kwabe kungumdwebo kaJesu eshumayela ezixukwini  kunevesi lesibhalo elithi:

NgokukaMathewu  4:17 Kusukela kuleso sikhathi uJesu waqala ukushumayela nokusho ukuthi: “Phendukani, ngokuba umbuso wezulu ususondele.”

Ebese omunye esixukwini akhulume nomunye athi INdodana  kaNkulunkulu  ukusho lokhu , Ayibekezelelani /ayimukelani ,ngakube kunjalo ?!

Ukubekezelela nokuphilisana kuyo yonke into eyenziwayo kulezinsuku kumbe asithi ukumukelana ,kungayimpilo ethile ,ukwenza okuthile ….kungumgqumo wesimanje lo ukuthi asimukelane sinjalo . Isiko lokubukelana phansi linesihluku ngoba  linendlela yokuhudulela phansi omunye lingambekezeleli ngisho kuthiwa leyonto ubuyenza  yinto engaphumile emgqeni .

Yebo akufiki kwedlule ekungabekezelaneni  kunalokhu ; “Phendukani, ngokuba umbuso wezulu ususondele.” .Lombuso uJesu akhuluma ngawo ngukubusa kukaNkulunkulu ngokuphelele kulomhlaba ;Yena kanye lo ngokokusho kuaJesu ,ozokwahlulela abaphilayo nabafileyo ,uyophonsa engunaphakadeni elingenaNkulunkulu labo abangayikholwa iNdodana yaKhe ,leyondawo ebizwa ngesiHogo .

Ngakho wenzani ngalokho ? Kukabili  ummukisa namanzi uJesu – kumbe uthi,Yena wayengumuntu omuhle futhi waletha izinkambiso ezinhle ukuphila ngazo;kungenjalo ungavese umlaxeze ngokuphelele ,okuyinto eyenziwe ngabaningi .Kumbe ufaka enhliziyweni ubizo lwakhe nezexwayiso  . “Phendukani, ngokuba umbuso wezulu ususondele.”

Yilo kanye iZwi likaNkulunkulu leli … Eliza kuwe li-Fresh namhlanje.