Impicabadala yezinto eziphathekayo ngukuthi zingagcina kuyizo esezikuphethe .Izinto esizinikwe nguNkulunkulu ukuba zibe lusizo kithi futhi sizithokozele zingagcina sezisiqhoqhobele zisibambe ngamatomu  . 

Kuyinto eshiwoyo ukuthi kunezigaba ezimbili kuloludaba .Ukufuna izinto ,ukuziqoqa ube nazo, nokuzisusa kuwe . Uma usemusha awubi nayo imali yokuthenga izinto ozifunayo ,ngakho uyazilangazelela ukuzithola ube nazo 

.Ngiyakhumbula ngisemusha ngilangazelela ukuba ne radio eyayilalelwa ngama headphone kuqala eyayibizwa nge ‘stereo’. 

Ngesikhathi ukhula uyaqhubeka ufune izinto uziqoqa konke lokhu owawukufisa usemncane .Kugcina kuyizinto eziningi kakhulu ukuthi  abanye bagcina sebeqasha ne container ukuze benze  i-storage ngoba akusangeni konke ekhaya ,kwakhiwe nomjondolo eceleni wokubeka zonke izinto ozithengile empilweni .

Okuthi mase kufika ngasekupheleni kwezinsuku zokuphila kwakho sewukhulile usunelisiwe yizo zonke izinto zokuphila  kusuke sekuqala umsebenzi wokuzikhipha manje uphisane ngazo ,njengoba kwenzeka kwabadala bethu .

Uthole ukuthi mhlawumbe okunye kwezinto zikagogo yizinto esezifuna ukulahlwa ngoba azisasebenzi futhi ngeke zisaba wusizo kodwa wayeqoqile ekuphileni kwakhe ,umjikelezo wempilo kithi sonke unjalo ,ngicabanga ngiyawakha umqondo? Ngena Jesu …

Matthew 6:19-21  “Ningazibekeleli ingcebo emhlabeni, lapho kona inundu nokugqwala, nalapho amasela efohla khona, ebe. Kepha zibekeleleni ingcebo ezulwini, lapho kungoni inundu nokugqwala, nalapho amasela engafohli khona, ebe. Ngokuba lapho kukhona ingcebo yakho, nenhliziyo yakho iyakuba khona lapho.

Yebo kumnandi ukuba nezinto. Zingaba yisibusiso nebala.Kodwa uma izinto sezigcina sezikuphethe ,zigcina seziyisiqalekiso esibi kakhulu . 

Ningazibekeleli ingcebo emhlabeni

Yilo kanye iZwi likaNkulunkulu leli … Eliza kuwe li-Fresh namhlanje.