Uma into isuke isemqoka ngokweqiniso kuhlale kusemqoka ukuyisho uyiphinde ,angithi ? Futhi okusemqoka kimi nawe namhlanje ,kumbe nawo  wonke umuntu okholwa nguJesu ,ngukukungagijimeli phambili engekho Yena  .

UMose wayebhekane nokuningi ekuholeni u-Israel ewukhipha ebugqilini eGibhithe .Ekuqaleni uFaro wathumela amabutho akhe abe sezithendeni zika Israel .Okwathi kusenjalo u-Israel wakhalaza .Kwakunezinselelo ngamanzi nokudla ..njalo njalo .

Sake sakhuluma ngalokho ,kodwa ngiyazibuza ekaze lendaba yakuthola yini ukuzika kuwe enhliziyweni.Ngakho uma kungukuthi sewulibele ,nanku umkhuleko kaMose kuNkulunkulu:

Eksodusi  33:13-16 Ngalokho uma ngifumene umusa emehlweni akho,ake ungibonise izindlela zakho ukuba ngikwazi,ukuze ngifumane umusa emehlweni akho,ubhekisise ukuthi lesisizwe singabantu bakho.

Wayesethi: “Ngiyahamba mina uqobo ngikuphumuze na?”Wathi kuye : “Uma ungahambi wena uqobo usikhuphule lapha .Ngokuba kuyakwaziwa ngani ukuthi ngifumene umusa emehlweni akho,mina nabantu bakho na? Akungalokhu yini ukuthi uhamba nathi ,ukuze sahlukaniswe,mina  nabantu bakho,nabanye abantu abasebusweni bomhlaba na? ”

UMose wayengafuni sanhlobo ukuqhubekela phambili engekho uNkulunkulu . 

USomishana ovelele ekhulwini leminyaka eladlula oweza lapha e- Afrika, u-David Livingstone, wakhuleka kanje : “Nkulunkulu ngithumele noma yikuphi ,inqobo nje mawuhamba nami .Futhi susa konke okunamathele enhlizyweni yami kuphela kube yilokho okunamathelisa inhliziyo yami kweyakho .” 

Noma ngabe uhambo lukuphatheleni , noma ngabe zinkalo ziphi eziphambi kwakho ungazihambi wedwa .

Yilo kanye iZwi likaNkulunkulu leli … Eliza kuwe li-Fresh namhlanje.