Kuyalingana kakhulu kulezinsuku ukubuza iZwi likaNkulunkulu uliphekapheke ;uze ulidwebele ubeke eceleni amazwi amaningi angehli kahle kuwe eBhayibhelini lakho  ,ukuze konke kuzohambisana nawe ,futhi kuhambisane nezimpilo ikakhulu zesimanje esisiphilayo kuleminyaka  . 

Umuntu athi ngakube uNkulunkulu ikhona ngempela inkinga anayo uma  ababili behleli  ndawonye bengashadene ? Nembala kulezinsuku yinto engenankinga leyo ! 

Omunye athi ngakube isihogo siyindawo yobuhlungu ingunaphakade ngempela ,sikhona yini kwasona ? Phela lokho ngeke kube yinto enhle .UMuntu athi ayibo siyeke wena ngezinganekwane zezinkolelo zabantu bakudala ! 

Yiyona ndlela abaningi abazibiza ngamakholwa abacabanga ngayo .Yiyona ndlela leyo iZwi likaNkulunkulu eseliguguleke ngayo ezimpilweni zabo . Kodwa akukho nokukodwa okusha kokunye kwalokho :

Genesis 3:1-4  Inyoka yayinobuqili kunazo zonke izilwane zasendle abezenzile uJehova uNkulunkulu. Yathi kowesifazane: “Ngempela uNkulunkulu ushilo yini ukuthi: ‘Ningadli emithini yasensimini,’ na?”

Owesifazane wathi enyokeni: “Singadla izithelo zemithi yasensimini, kepha ngezithelo zomuthi ophakathi nensimu uNkulunkulu ushilo ukuthi: ‘Ningazidli, ningazithinti ukuba ningafi.’ ” Inyoka yathi kowesifazane: “Aniyikufa nokufa; kepha uNkulunkulu uyazi ukuthi mhla nizidla, kuyakuvuleka amehlo enu, nibe njengoNkulunkulu, nikwazi okuhle nokubi.”

Uyabona ukuthi inyoka ayizange yaqiliza yakhohlisa u-Adam no Eva ukubulala ,ukweba noma ukuqamba amanga .Yabalinga ukulingabaza balibuzisise iZwi likaNkulunkulu ukuthi linjalo ngempela yini .Ingxaki enkulu  yaqala lapho kanye . 

Yilo kanye iZwi likaNkulunkulu leli … Eliza kuwe li-Fresh namhlanje.