Ngesikhathi usabuka uhambo lwempilo osuluhambile  kwaze kwafika la,ngakube kukufundiseni ngenani oyilo kulomhlaba? Ngesikhathi usazikala inani lakho uma uziqhathanisa nabaseduze kwakho,ufika kwisiphi isiphetho?

Ngobunye ubusuku ngazipha isikhathi nabafundi base Bible College.Saba nesifundo.I-assignment yabo kwabe kungubuka impilo yomuntu thizeni ,umuntu abamaziyo obukeka enezinkinga zangempela  empilweni yakhe ,bese bayeza bazokhuluma ngalezonkinga esifundweni sethu.

Kwakunokwesabela nokuqaphela.Ngesikhathi umfundi ngamunye esaxoxa ngomngani wakhe kumbe ilunga lomndeni ,kwakude kubuyela embangeleni eyodwa ,kuphindaphinda. Wonke umuntu ngamunye esasixoxa ngaye wayenomuzwa wokuzibona engelutho.Ngamunye! Kwangithinta kakhulu lokho ,nanxa mhlawumbe kwakungamele.

Ngoba nakhu siphila kulomhlaba lakhona mina nawe sifunzwa ukuthi umhlaba uzungeza kithi ,kuhlale njalo kungokujabulisa u-number one …..kodwa uthole ukuthi ngakwesinye isandla siphonswa emabibini  uma nje sike sangazithola silingana nabantu abaphumelelayo esinabo emqondweni wethu uma singafani ngokokucabanga kohlobo lwempumelelo kwabo. Sivese emva kwalokho singene ekushwabaneni nasekudidekeni ,komuzwa wokuzizwa singelutho empilweni. Ngakho sihlobo; ngakube lithini ingempela inani lakho?

KwabaseGalathiya 2:20 Akuseyimi ophilayo, kepha uKristu uphila kimi; kodwa ukuphila engikuphilayo kalokhu enyameni ngikuphila ngokukholwa, okungukukholwa yiNdodana kaNkulunkulu eyangithandayo, yazinikela ngenxa yami.

Uyinani lalokhu uNkulunkulu ayekulungele ukukukhokhela khona ….okuyintengo enkulu kakhulu esingasoze safika ekupheleleni kokuyicabanga ngokuphelele owakhishelwa yona. Intengo ayikhokha kwakuyimpilo yeNdodana yaKhe ,lokho okukwenza ube yinani elingenakukaleka ngobukhulu-Priceless!

Yilona kanye iZwi likaNkulunkulu leli … Eliza kuwe li-Fresh namhlanje..