Angazi noma kwenzeka kimina kuphela ,uzithole ujuluka kweqe ,uzama ukwenza okusemandleni ukujulukela uNkulunkulu  …kodwa uzwe kunzima .Uzizwe sengathi uNkulunkulu akakunye nawe futhi kube sengathi uwedwa  lomthwalo uwuphethe  ngokwakho . 

Uyabona yindaba leyo ezwakalayo .Kunabantu abalalele lenkulumo abacabangayo ukuthi , ‘yinto yokugcina engingayenza ukusebenzela uNkulunkulu .Lutho ! ?’ Kodwa noma ngabe ukuphi njengamanje ,iningi lethu siyathanda ukwenza okuhle ,angithi ? Kodwa ukwenza okuhle kusengaba ngumsebenzi onzima ngezinye izinsuku . 

Njengoba ngiqhubeka ngikhula kuyanda kimi ukuqhela emqondweni wokwenza izinto ngamandla ami.Angiziboni impela kube kukhona uNkulunkulu onamandla angakalekiyo ,nokushisekela okukhulu ukusibusisa anakho ngathi .Yini le engenza ufune ukujuluka wedwa ngamandla akho ?  

Mumva le kwi-Thestamente Elidala kwakunomphrofethi omdala ogama lakhe ngu-Eliya owayenoyisandla  sakhe sokuphonsa u-Elisha .Okwathi ngamhla sekushaye isikhathi sokuba u-Eliya aye ekhaya kuNkulunkulu …nakhu la kuchazwa khona :

2 Amakhosi  2:9 Kwathi sebewelile ,u-Eliya wathi ku –Elisha : “Cela engiyakukwenzela khona ngingakasuswa kuwe.” Wathi u-Elisha : “makuphindwe kabili umoya wakho phezu kwami”.

Oqobweni lwesicelo esinjalo kusikhombisa ukuthi u-Elisha wabe engafuni ukwenza izinto ngamandla akhe .Futhi lokhu kanye akucela yikho ncamashi akutholayo .Nkathi u-Eliya enyuswa kwasala ugcobo oluphindaphindiwe  kuye uNkulunkulu alwehlise ngoMoya waKhe –emnika amandla negunya elikhulu . 

#Bamba lokhu : Yima ukujuluka ngokwakho kodwa cela ugcobo ,cela amandla aphindiwe kuNkulunkulu . 

Yilo kanye iZwi likaNkulunkulu leli … Eliza kuwe li-Fresh namhlanje.