Iningi lethu alinkamunkamu  ukuzwa igama elithi ukufa .Ngakolunye uhlangothi sazi kahle ukuthi nakanjani ukuthi sizofa . Kodwa khona kunjalo asifuni sanhlobo lufike lolosuku .

Sonke siyabhekana nalomzabalazo  ngokwezinga elithile  futhi okuthi ngesikhathi  siqala siqhaka izimvu emakhanda  nesikhumba sethu sesiba nemibimbi ,yilapho okuya  kucace  engqondweni ukuthi ekugcineni amathunzi ayewukela ,kuseduze phambili kukude emumva . U-Berni uthi ngamhla ebhala le devotion yanamhlanje,wayesathi uhlela ukuthatha uhambo olude  ,ngokuphazima kweso wathola  umbiko ngokuthi uNina  oneminyaka engu – 92 uvese waqhibuka wawa phansi waphuthunyiswa esibhedlela.

Angingabazi ukuthi ngesikhathi elele esibhedlela esatatazelelwa ukuba alapheke ,engqondweni yabe iminingi imicabango kuye engokufa ngaphezu kokucabanga ngakho mina nawe esiziphilelayo . 

Ngakho uma kwenzeka nje ukuthi lento yokwesaba ukufa ihlasela umqondo wakho kungekudala , nanti iZwi likaNkulunkulu elikhuluma kuwe ngalokho kanye :

2 KwabaseKhorinte  5:6-8Ngakho simi isibindi ngesikhathi sonke, sazi ukuthi, nxa ikhaya lethu lise semzimbeni, sahlukene nekhaya eliseNkosini;  ngokuba sihamba ngokukholwa, asihambi ngokubona;  simi isibindi, singathanda kakhulu ukwahlukana nekhaya elisemzimbeni, sihlale ekhaya eliseNkosini.

Yeka inkuthazo engaka ! Uma ukholwa kuJesu ,uyokwazi ukubhekana nalowomzuzu wokugcina emhlabeni uyobhekana nawo ugcwele ni? Isibindi. Njengokuba u- Charles Spurgeon wake wathi , “Bathandwa ningakwesabi ukufa . Ukufa yinto ele ekugcineni futhi encane ukuba ikholwa lingakhathazeke ngayo” 

Uma ukholwa nguJesu ngeqiniso ,ayikho  into engakwenza wesabe ,asikho nesincane isidingo lesi.

Yilo kanye iZwi likaNkulunkulu leli … Eliza kuwe li-Fresh namhlanje.