Izolo sikhulume ngobuqiniso bokuthi kwesinye isikhathi singaqhela endleleni yethu yokholo futhi sigcine sesiphetha sesingasazi kwakhona noma sisasindisiwe .Namhlanje ngithanda ukukucobelela izindaba ezinhle . 

Ngihlale ngikuthanda ukukucobelela izindaba ezinhle ,ngakho asihlale amagqozo singene kuzo .Nazi : 

KwabaseFesu  1:13,14 Kuye nani esenizwile izwi leqiniso, ivangeli lokusindiswa kwenu, enakholwa nguye futhi, nani nabekwa uphawu olunguMoya

oNgcwele wesithembiso oyisibambiso sefa lethu, kube ngukuhlengwa kokungokwakhe, ukuze kutuswe inkazimulo yakhe.

Izolo sibonile encwadini -1 KwabaseKhorinte 15:1,2 ukuthi kuyinto engenzeka ukuthi sikholwe ngeze ,ngokugudluka ezindabeni ezinhle  zikaJesu .Yiqiniso lelo ,nebala singagudluka kuzo.

Kodwa nakhu la uJesu esitshela ukuthi kusuka siqala ukukholwa nguYe ,sananyatheliswa uphawu lwesethembiso  sikaMoya oNgcwele  – usungacabanga loloketshezi olwabe lubomvu  ababeyaye baqale balumanzise qede balobe igama lomndeni kumbe lenkampani eliyisigxivizo .Yisona sithombe  esikulendaba . 

UMoya oNgcwele kuwe kusuka wakholwa ,ungukuzinikela kukaNkulunkulu kuwe ,isethembiso saKhe ,inkokhelo yaKhe  empilweni yakho ,ukukukhombisa ukuthi userious  ngawe.Ukukukhombisa ukuthi ungowaKhe .

Futhi nansi into ngoNkulunkulu uMoya oNgcwele .Uma siduka ,uyasibiza ,usibuyisela kuNkulunkulu ngothando  ngoba uNkulunkulu uthembekile ezethembisweni zaKhe ,ngalesivumelwano segazi likaKhrestu ,ngisho nala thina singathembekile . 

Ngesikhathi ukholwa ukuthi wabekwa  uphawu olunguMoya oNgcwele wesithembiso oyisibambiso sefa lethu, kube ngukuhlengwa kokungokwakhe, ukuze kutuswe inkazimulo yakhe.

Yilona kanye iZwi likaNkulunkulu leli … Eliza kuwe li-Fresh namhlanje..