Sewake wazithola ucwile emiphumeleni yamaphutha owawenza ,uzibuza ukuthi ekaze indlela yokubuyela emumva ngiyoqala kabusha ngingayenza kanjani ? Ucabange indlela yokubuyela emumva uphile ngokuphelele,ekugcineni indlela yokubuyela kuNkulunkulu ?

Yebo yindawo engemnandi neze ukuba kuyona ,nokho sonke sesike saba kuyona .Sesibhekanile nemiphumela yamaphutha ethu ,amancane namakhulu .Siyizwile induku yokusiqondisa kaNkulunkulu –ngoba njengobaba bonke abahle bayaziqondisa izingane zabo abazithandayo .Futhi othola ukuthi sikhona kanye lapho siyazibuza ukuthi ekaze ingakhona yini indlela yokubuyela emumva? 

Kwake kwanesikhathi emlandwini ka Israel [kwezinye zezikhathi eziningi] lakhona bake baqhela kuNkulunkulu .KwiThestamente Elidala ,uNkulunkulu ubaqhathanisa nowesifazane ondindayo ,okhanda lakhe ligcwele ukuxegelwa yisimilo phaqa.Ngakube ingakhona yini indlela yokubuyela emumva uma usukuleyondawo enjalo na ? 

Hoseya  2:13-15 Ngiyakumhambela ngenxa yezinsuku zawoBhali,owabashisela ngazo impepho ,wahloba ngamacici akhe nangezinto zakhe ezinhle ,wazilandela izithandwa zakhe ,wangikhohlwa usho uJehova .Ngalokho bhekani ngiyamyenga ngimyise ehlane ,ngimqunge isibindi .

Lapho ngiyakumnika izivini zakhe,nesigodi sase-Akori sibe ngumnyango wethemba;uyakuphendula lapho njengasezinsukwini zobusha bakhe nasosukwini lokukhuphuka kwakhe eGibhithe .

Ake ubuke lesithombe esidwetshwe lapha esijulisa ingqondo ! UNkulunkulu uzokwenzani ngo-Israel ondindayo ? Uzokhuluma amazwi othando ,amazwi amtoti ,amnike izivini ,amnike umnyango wethemba . 

Asikucacise lokhu ,uNkulunkulu uyomisa konke ukuze akubuyisele wena endaweni yakho efanele .Nguye oyindlela ekubuyisela emumva la ofanele khona .Ungumnyango wakho wethemba  . 

Futhi yilo kanye iZwi likaNkulunkulu leli … Eliza kuwe li-Fresh namhlanje.