Ukhisimusi uchaza izinto ezihlukene kubantu abahlukene abaningi.Kwabanye wumgubho omkhulu,kwabanye yisikhathi somzwangedwa,kwabanye yisikhathi sokusebenza….kuwe uKhisimusi uzoba yikuphi?

Manje,nakhu la esesikhona sesithe  cababa esontweni likaKhisimusi,sisaphinde senze zonke lezozinto zikaKhisimusi futhi.Manje  nanku umbuzo enginawo ,ngakube sewulungele? Cha,mina angikhulumi ngokuyokhithiza ezitolo ,nokuthenga izipho,izibiliboco ziokaKhisimusi ,kunye nemihlobiso.Lokho kuhle akunacala ,kodwa indaba ayikho lapho okwamanje ,akunjalo?

Mina engifuna ukukwazi ukuthi ngakube ekujuleni kwenhliziyo yakho usukulungele ukumukela isipho esikhulu ,esingaphezu kwezipho zonke esake saphiwa zona ,ngoba ekugcineni kosuku yilokho kanye uKhisimusi ongakho.

Eminyakeni ela ko 700 phambi kokuba uJesu azalwe,u-Isaya waphrofetha ngokuza kwakhe ,ngendlela eyinhlabamxhwele ,okusengathi wayevese esefikile : Isaya 9:6 Ngokuba sizalelwa umntwana ,siphiwa iNdodana,umbuso uyakuba semahlombe akhe,negama lakhe liyakuthiwa ;UMluleki omangalisayo.uNkulunkulu onamandla ,uYise ongunaphakade.

Kuluhla lobuciko beqophelo eliphezulu lobu,akunjalo? Umntwana,indodana,uMeluleki omangalisayo,uNkulunkulu onamandla….ake ume kancane.Ume nje khona lapho! Uqeda kuthini u-Isaya?

Ukuthi uNkulunkulu Onamandla uyozalwa kulomhlaba.UYise Ongunaphakade,INkosi Yokuthula. Soze kwaba nencaphephe yephutha ,lutho ngisho encane.Lesi yisiphrofetho sokuzalwa kukaNkulunkulu kulomhlaba,uNkulunkulu ephenduka eba ngumuntu,abe ngomunye wethu,aphile nathi ,aziveze kithi,asifele.Yilokho kanye uKhisimusi ongakho.Ngakho ngicela ukuphinda ngikubuze.Usukulungele ukumukela isipho esikhulu kunazo zonke esake saphiwa sona?

Uma ungalungele ,lungela.UKhrestu uyabuya .

Yilona kanye iZwi likaNkulunkulu leli … Eliza kuwe li-Fresh namhlanje..