Angazi kunjani kuwe ,kodwa mina ngiye ngikuthole kunzima ukuguqula izinkambiso -mikhuba ezingezinhle  ezisuke sezinamathele kimi isikhathi eside . Kahle hle uma sizothembeka kithi uqobo lwethu kuyinto eqhelile ngokwamandla ethu ukukwenza . 

Lokho kusibekela into eyinkinga ,ngoba iZwi likaNkulunkulu ligcwele imithetho  yokuphila ukuphila okuhle .Ake uthathe lo nje :

KwabaseFesu  4:32 Maniphathane ngobumnene, nihawukelane, nithethelelane

Awukwazi ukuphikisana nalokho . Uma ufuna ukuphila impilo enhle ,ufuna ukuba impilo yakho icwazimule kulomhlaba ,uma ufuna ukuba yinxusa elethembekile likaJesu Khrestu ,nebala umelwe ukuba nezibele nothando kulabo abaseduze nawe. Nebala umelwe ukubathethelela hhayi kanye nje kuphela kodwa kaninginingi njengokuba uJesu washo .

Kodwa ake uthembeke kulokhu .Kodwa esikhathini lakhona kunomuntu owenza ubuwula kuwe kumbe alokhu ekuhamba ngemumva ,uye ukuthole kulula kanjani ukumthethelela lowomuntu ?   Ngokuphindelela?

Esisuke sikudinga kulesosikhathi ukuba  ngabanothando nentethelelo kubo . Sidinga amandla okukwenza .Ngakho ake ngikunike lonke lelivesi liphelele kanjalo namandla akulo ngasekugcineni . 

KwabaseFesu 4:32 Maniphathane ngobumnene, nihawukelane, nithethelelane, njengalokho noNkulunkulu wanithethelela ngoKristu.

Ubukhulu bokusithethelela kukaNkulunkulu ngokunikela ngeNdodana yakhe kulesosiphambano buyinto emangazayo namagama angeke akwazi ukuchaza sibe sasimone kangaka .Nguye oyisizathu sokuthi kungenzeka .Ungamandla .Vumela uJesu akuguqule . 

Yilo kanye iZwi likaNkulunkulu leli … Eliza kuwe li-Fresh namhlanje.