Kwesinye isikhathi uba nenkulumo nomunye umuntu ,ebese uthola ukuthi mawukha kahle phezulu inkulumo uthole ukuthi iyisiluleko esihle . Nokho uthole ukuthi ayimnandi ukuyilalela ngoba  bayisho sakukufaka icala nokukulahla ngalo . 

Angithi ,sewake waba nalo uhlobo olunjalo lwezinkulumo ? Kuvese kube sengathi wukudinwa okuthelwa phezu kwethu ,okwenza noma ngabe kuzwakala kungamagama angukusiluleka kodwa sivese sihluleke ukukumukela nokukubamba ngenxa yomuzwa okudluliswa ngawo.

Mangase kuthiwe nje bebeqonda isimo engiqhamuka kuso ngokwalenkulumo . Uma kungase kuthiwe bayaqonda ukuthi ngikwenzeleni engikwenzile .Uma kungase kuthiwe bathule ngokwanele ukungilalela !

Manje ake siphendule umunwe ubheke kithi ,uma kuyithi esigcwele ukuhlulela nokudinwa , sikhomba omunye umuntu simlahla ngecala . Akukuhle nebala ,angithi.Akudlulisi uthando lukaNkulunkulu olukithi .

EkaJakobe  1:19 Niyakwazi lokho, bazalwane bami abathandekayo. Yilowo nalowo muntu makasheshe ukuzwa, aphuze ukukhuluma, aphuze ukuthukuthela

UJakobe wabe engumfowabo kaJesu ,ngakho mawucabanga lolucwezu lwenhlakanipho wayelucosha kubani ?

Ukhiye ekubeni  kulolohlobo lwezinkulumo ezinzima ,kwezinye izikhatho okusidingayo ukuba sibe kuzo ,ngukukwazi ukubamba ukuthukuthela kwethu .

Ukuvumela ukudinwa kumpompoze kube wulimi lokulahla ngecala akuzukuletha lomphumela esiwubhekile . Kuhle kakhulu ukulungela ukulalela ngaphezu kokukhuluma .Kuhle kakhulu ukuthola ulimi lokubeka ungahluleli ngesikhathi uletha iphuzu lakho .

Phuza  ukuthukuthela.

Yilo kanye iZwi likaNkulunkulu leli … Eliza kuwe li-Fresh namhlanje..