Siphila emhlabeni othwesana izimpaphe zegwalagwala mawenze kahle.Siphila emhlabeni lakhona okumele ufunde ukuneliseka ngokuziqhwandela.Siphila emhlabeni esifundiswe kuwona ukuthi impumelelo incike kithina.

Kodwa kwesinye isikhathi empilweni kubuhlungu ukuthi sike siphelelwe ngamagama .Kumbe uthole ukuthi izinto ziyingxovangxovane yesiphithiphithi sigcine singazi  ingempela nakuNkululunkulu sizothini kuYe ,sithandaze kanjani,siceleni kanjani .

Sewake waba sesimweni esinjalo sokudideka? Uthole ukuthi ubuhlungu bunkenketha ngalendlela yokuthi sengathi ungavese ugongobale uhlale khona lapho ungabe usazi nokuthi uthandaze kanjani.Uyakufuna khona ,kodwa kuphele wona amagama.Okukhona kugcwele ukububula kokugquma phaqa ngaphakathi kuwe.

Eminyakeni ecela kwengu 2000 umphostoli uPhawuli wabhala cishe izincwadi eziwu half we Thestamente  Elisha-ezinye zazo enqunyelwe isigwebo sentambo ,edonsa estokisini.Ngakho alukho ungabazane lokuthi wayazi ukuthi yini  le akhuluma ngayo.Ngakho wabhala lamagama: 

KwabaseRoma 8:26 Ngokunjalo noMoya uyasisiza ebuthakathakeni bethu,ngokuba asikwazi esingakucela ngokufaneleyo,kodwa uMoya uqobo usikhulumela ngokububula okungenakuphinyiselwa.

Kulezokhathi lakhona ungazi kwakwazi uqale kuphi,yazi lokhu:akulele kuwe.Kahle hle kungokuhlukile kunalokho.

Ngesikhathi siphakamisa amehlo omphefumulo wethu siwabhekisa kuKhrestu ,uMoya Ongcwele uqobo lwakhe osinxuselayo …..ngokububula kokujula ngendlela engenakuphinyiselwa.Ngesikhathi sisagqolozele kuJesu phakathi nobuhlungu nokulahlekelwa okukuqeda amagama ongawasho ,uyabona sihlobo sami yiwona mkhuleko lowo lapho sekukhuleka uMoya ONgcwele kuwe .Kubiza lokho phaqa.UNkulunkulu uyasikhathalela kakhulu sihlobo.

Yilona kanye iZwi likaNkulunkulu leli … Eliza kuwe li-Fresh namhlanje..