Uyawazi lomuzwa wokufuna abantu bathi ukucabanga kangcono ngawe ? Ulangazelelo lokubonakala ukuthi ungubani nakho  konke okwenzile ? Lokho kukhomba ukuthi khona lapho kanye usuqalile ukugibela etsheni eliyintshelelezi emanzi elizokuthi shwi bhalakanxa ube ngamadixadixa mawuqhubeka nalo  . 

Angicabangi ukuthi kukhona into ebizwa ngokuthi impakamo encane. Impakamo inendlela yayo ,yokukhula ngamandla .Ngakho andukuba iqhumbuke , lololangazelelo lokufuna ukubonakala lokufuna ukugqama lungakhula lube yintshisekelo ekusanganisa ikhanda ; umuzwa wokuzizwa sifanelwe yishashalazi ongasidla usiqede .

Qha sihlobo sami .Angikholwa ukuthi kunento ebizwa ngempakamo encane .

Ibandla lakuqala laseKhorinte laligcwele ingxokozelo nokuzazi nempakamo  .Ngakho uPhawuli walibhalela incwadi eqinile . Nakhu akusho ngaleyompakamo encane ababenayo eyayisiqalile .

1 KwabaseKhorinte  5:6,7Akukuhle ukuzibonga kwenu. Anazi yini ukuthi imvubelo encane ibilisa inhlama yonke na? Khiphani imvubelo endala ukuze nibe yinhlama entsha, njengalokhu ningabangenamvubelo-Isinkwa sePhasika 

Yeka isithombe esinamandla ,akuthathi mvubelo eningi ukubilisa inhlama, ukuba ikhukhumale ,igcwale umoya oshisayo uyibona isiyibhola ebholeni. Iqhuzu  nje elincane lemvubelo elikwazi ukwenza lokho . Ngakho ithini impendulo ? Lahla yonke inhlama endala bese uqala inhlama entsha. Engenamvubelo sanhlobo .

Leyompakamo encane ayinandawo  empilweni yalowomuntu ofuna ukulandela uKhrestu . Lutho sanhlobo .Ilahle kude le .Qala kabusha . 

Yilo kanye iZwi likaNkulunkulu leli … Eliza kuwe li-Fresh namhlanje.