Enye yezinto engabuhlungu kakhulu enganeni encane ngukwehlukaniswa nabazali bayo ;ilahleke,ingatholi lokhu kunamathelana nabazali ekudingayo nakuba kuba yinto yesikhashana . 

Ngikhumbula ngimncane ngidukelana nomama sisesitolo esikhulu edolobheni .Izingubo zazibekwe zayintaba ngangakwazi sanhlobo ukumbona ukuphi la estolo .Ngangingamtholi . Nakuba kwenzeka ngimncane kodwa nanamhlanje ngisakhumbula njengayizolo ,ngisazizwa ngikhala ngithi Mah, Mah. 

Kubazalwane abaningi umuzwa wokuduka kuthi mawubafikela bashawe luvalo . Mangase kuthiwe ngiyaduka endleleni yevangeli kodwa ngiyoba yini ,kuyokwenzekalani ? Mangase kuthiwe ngiyakhubeka kancane avese uNkulunkulu athi akasayingeni eyami ,ngiyoba yini ingempela?  Ngingayini nje mangase uSathane angiluthele ekubhujisweni ? 

Ngilalele .uma kungukuthi esikhathini esithile empilweni wayibeka kuJesu impilo yakho ,nakanjani ungaba nokwethemba okungachazeki ngalezizinto ezimbili  ,okokuqala okokuthi : 

Ukwazana naye akwenziwanga nguwe . Okwesibili ngukuthi akukho mandla emhlabeni ayoke anyakazise aqumbe phansi intando yaKhe .

Kodwa musa ukuzwa ngami kuphela ,nanka amagama ashiwo nguJesu uqobo :

NgokukaJohane  10:29  UBaba onginikileyo mkhulu kunabo bonke; akakho ongazihlwitha  esandleni sikaBaba.

Yebo,nanjengayiphi enye imvu ,kungenzeka uduke endleleni.Kodwa uMalusi omuhle uyoshiya zonke ezingu 99 ezofuna le eyodwa elahlekileyo ukuzoyithola le enguwe kanye .Uyokucinga akubuyisele ekhaya . 

Akekho noyedwa ,akukho mandla akhona emhlabeni ,angakuhlwitha esandleni sakhe  . 

Yilo kanye iZwi likaNkulunkulu leli … Eliza kuwe li-Fresh namhlanje.