Inhliziyo enamandla
We're glad you like it!
Enjoying the content? You can save this to your favourites by logging in to your account.
Izaga 28:27 Opha ompofu akayikuswela,kepha ositheza amehlo akhe ,uyakuba neziqalekiso eziningi.
![](https://cwcontentserver.com/wp-content/uploads/Zulu-Images-10.jpg)
Ngiyazibuza ukuthi engabe uma ngisebenzisa lamagama ,inhlupheko ,ukulamba ,ukuswela ,ngakube ayaphatheka kuwe ,kumbe asethembeke ukuthi angamagama angaphatheki akude le kuwe ,awumqondo nje oziqhelele nongakaze ungqongqoze emnyango wakho ? Uthini kulokho?
Uzakwethu wayekwi- lunch kwelase-India ,kwi Conference ayekuyo.Uthi uyazifela ngokudla kwaseNdiya ,kodwa manje lokhu kwangalelolanga kwakubaba ukwedlula ,hhayi kwakungawina ngisho indonda kapelepele.
Kwakunzima ngokwedlulele komunye uzakwethu wase Canada ehluleka nawukukumanzisa ngolimi ukuze ehlise ukubaba kuka curry .Lokho kudla okubabayo kwamqeda nya ,indoda yayize ime ngezinyawo .
Asedlule ke lapho,manje kwakunenye insizwa evela e Bangladesh eyayihleli eduze kwabo .Yona yayizimimilitela nje ukudla kubuyobeyobe kuzehlela ingezwa lutho.Bavese labozakwethu baqunga bayibuza ukuthi : “Udlani kudla kuni kwelakini eBangladesh?”
Wabeka phansi imfologo yakhe ,ngokukhuluma aqonde waphendula wathi :
“Mina nonkosikazi wami nezingane zethu ezimbili ,imvama sidla i-rice lodwa .Kodwa kwesinye isikhathi asibi nalo elanele .Kulezonsuku asidli lutho.”
Angisoze ngakukhohlwa engakuzwa enhliziyweni ngamhla ngizwa lamagama .Inhliziyo yabuhlungu ukuzwa ukuthi yena nonkosikazi wakhe nezingane zakhe kwezinye izinsuku abadli sanhlobo .
Kulapho okwajulisa khona umqondo wami ngendlala .Nginomuzwa ojulile manje kuya phambili.Umuzwa wezingane ezilala zingafakanga lutho eziswini ngumuzwa onzima ophathekayo okhona lo.
Izaga 28:27 Opha ompofu akayikuswela,kepha ositheza amehlo akhe ,uyakuba neziqalekiso eziningi.
LoNkulunkulu,loNkulunkulu Onamandla ,unenhliziyo enamandla ngabampofu.
Futhi angikusho ngiqonde lokhu sihlobo sami ….singaqhubeka kanjani sizibize ngabantu baKhe uma singenayo lenhliziyo anayo Yena ngabampofu ,singenzi lutho ngobuphofu ,sibe sithi singabaKhe? Yilona kanye iZwi likaNkulunkulu leli … Eliza kuwe li-Fresh namhlanje..