Usazikhumbula usemncane usenobuwula ?  Mina ngizikhumbula kahle kamhlophe ! Mangase kuthiwe nje besingabuyiselwa isikhathi  emumva qede sigxumeke ikhanda lomuntu omdala  phezu kwamahlombe aleyongane .

Kuke kushiwo ukuthi obunye ubuhlungu bempilo ngukuthi siyashesha ukukhula ,siyephuza ukuhlakanipha .Akulona iqiniso lelo ? Inhlakanipho uma kungukuthi iyafika ,ifika emva kweminyaka eminingi nakhona isilethwa ngukuzingqubuza ozingqubuze khona ematsheni empilo .

Kodwa bekunganjani mangase sisheshe sibe nenhlakanipho efika sisebancane ?  Bekuyoba njani ,mangase sisheshe sihlakaniphe kunalabo abaseduze kwethu ?

 Impilo yakho ibiyoba ngokuhlukile ndlelani,uma ucabanga ukuba wawusheshe wayithola inhlakanipho ?

Ngalesisihloko kunenkulumo eyashiwo yinkosi eyayihlakaniphile uSolomoni ,ebhekise emadodaneni akhe lamazwe enhlakanipho:

Izaga  3:13-18 Ubusisiwe umuntu othola ukuhlakanipha nomuntu ozuza ingqondo ,ngokuba inzuzo yakho inhle kunenzuzo  yesiliva ,nokutholakalayo kukho kunegolide .Kuyigugugu kunamarubi ,nakho konke ongakufisa akunakulinganiswa nakho .

Ubude bezinsuku busesandleni sakho sokunene,nakwesokhohlo kukhona ingcebo nodumo .Izindlela zakho ziyizindlela zokumnandi ;yonke imikhondo yakho ingukuthula Kungumuthi wokuphila wabakubambayo ,nababambelela kukho babusisiwe .

Yeka umehluko ongakholakaliyo ongenziwa yinhlakanipho kaNkulunkulu ezimpilweni zethu . Nebala izibusiso zenhlakanipho yakhe azinakubalwa .Ngakho zenzele okuhle .

Hlakanipha lisaphuma nje kusekahle ,ngoba inhlakanipho iyisibusiso kulabo abayigcina eduze!

Yilo kanye iZwi likaNkulunkulu leli … Eliza kuwe li-Fresh namhlanje.