Angazi noma sewake waba sekuzweni indlala ngendlela yokuthi uzwe sengathi amathumbu ayagoqana ,kodwa yazi kwesinye isikhathi kuyaba umuzwa omnandi .Ikakhulukazi khona mase wazi ukuthi kukhona okunuka sastshulwana okusendleleni okuzothulisa lamathumbu .Kodwa uma kusesigabeni lakhona ubona izingane zakho zihluphekile ,lokho akumnandi neze.Kubuhlungu kakhulu.

Imvama  uma ubuka iTV kaningi ezindabeni kuma-channel athile ngosuku baveze  abantu abahluphekayo.Mhlawumbe kube yinhlekelele eyehlele izwe elithile.Impi kwelinye.Izingane zifa kulelozwe.

Iqiniso yileli lokuthi njalo ngosuku kunabantu abangu  25,000 abafayo ngenxa yendlala .Emzuzwini embalwa sindawonye nawe namhlanje kuzobe sekunabantu abangaphezu kuka 60 ababulawe yindlala .

Futhi uyayazi inkinga yangempela ? Sibuka lokho qede sicabange ukuthi  : “Ayi ngeke sikhulu lesibalo ,baningi lababantu mina ngeke ngikwazi ukwenza umehluko kubo .Uma uNkulunkulu enguNkulunkulu ,uma kunjalo nguYe kuphela omkhulu ngokwanele ukukulungisa lokho.Alukho mina engingalwenza .Mhlawumbe ngixhase ingane eyodwa  mhlawumbe ? Bese kwenza mahluko muni ke lokho okungako?”

Ngakho ,sivese sisonge izandla ..

Yikuphi uNkulunkulu Yena akucabangayo ngakho konke lokho ? Wenzenjani uma ebuka abampofu  nabaswele nabadliwa yindlala?

Amahubo 113:7,8 Uyavusa odingayo othulini,aphakamise ompofu ezaleni.ukuze amhlalise nezikhulu,yebo izikhulu zabantu bakhe.

Ngesikhathi sisafunda into enjena ,nebala simelwe ukuzibuza thina  ukuthi , “Pho ngingaqhubeka kanjani ngisonge izandla …ngingenzi lutho?”

EBhayibhelini lonke ,eZwini likaNkulunkulu,iyodwa into ongeke ungayiboni ngaYe ;yinhliziyo yaKhe engakholakaliyo anayo ngabampofu,abalahliwe ,abanganakiwe ,ababandlululiwe ,abafayo.

Futhi ngesikhathi uqhubeka ulifunda iBhayibheli uthola ukuthi uyasibiza mina nawe ukuba simbambise kulomsebenzi wokwenza utho ngalesisimo!

Pho sihlobo sami singahlala kanjani singenzi lutho ngenhlupheko?

Yilona kanye iZwi likaNkulunkulu leli … Eliza kuwe li-Fresh namhlanje..