IBhayibheli libukeka lithule kwesinye isikhathi zintweni ezimqoka .Esinye salezozihloko ezimqoka kuleminyaka esikuyo ngesokuhushula .Ngakube umbungu ungumuntu ,kumbe ngakube kulilungelo lowesifazane  ‘ukukhetha ilungelo’ lokugxoba ilungelo lengane engakazalwa ? 

Lesi yisihloko esibucayi nembala ,siyinkundlandlela yokuhle nokubi kumaziko ezepolitiki .Kodwa okwamanje ake sibeke eceleni ipolitiki ngaso .Kuliqiniso elingebhinciswe ukuthi nanoma yini esuke iphila ngeke ikwazi ukukhula isimame .Yebo nebala nemidlavuza iyakhula isimame ,kodwa iyanqanyulwa kunoma nini kwazise ayiwona umuntu isuke iyisixhanti esimile kumuntu  esingadingeki. 

Kodwa odabeni lombungu ,inhliziyo encane yomntwana esuke incu kodwa isuke seyiqalile ukushaya  emva kwamasonto amahlanu imumethwe esibelethweni .Okuthi ngesonto lika 9 isuke ingane isikwazi ukuvula umlomo wayo iqale ukuncela .Esontweni lika 10 isinama finger print ayo yodwa .Kwelika 13 isuke isiqala ukuzamula .Uma kuyintombazane ngesonto lika 20 isuke isikhiqhize amaqanda ayizigidi kwi-system yayo .Abafana bona ngakolunye uhlangothi ngesonto lika 12 basuke sebeqale isimumatho senzalo . 

Manje ngakube umbungu lo noma ingane ? Ngakube yisixhanti nje simile kumuntu lesi noma ngumuntu ozimele ngokwakhe? 

Ngezwa omunye ethi uma kungathiwa izibeletho zabe zinamawindi ,ukuhushula  kwakuyomiswa ngokushesha ukuba semthethweni.Ngikholwa ukuthi kuliqiniso elimile lelo ….ngoba uma ubuka amaphuzu aphathekayo ,kusobala kucace bha ukuthi sikhuluma la ngomuntu uqobo ,owenziwe ngomfanekiso kaNkulunkulu . 

Izaga  6:16-19Kukhona izinto eziyisithupha azizondayo uJehova ,yebo eziyisikhombisa eziyisinengiso emphufumulweni wakhe : amehlo azidlayo,nolimi lwamanga ,nezandla ezichitha igazi elingenacala ,nenhliziyo eceba imicabango emibi ,nezinyawo ezishesha ukugijimela ebubini ,nofakazi wamanga ophafuza inkohliso ,obanga ukuxabana phakathi kwabazalwane .

Anginandaba kakhulu ngepolitiki .Nginendaba kakhulu ngempilo yengane . 

UNkulunkulu uyazizonda izandla ezibulala abantu abamsulwa

Yilona kanye iZwi likaNkulunkulu leli … Eliza kuwe li-Fresh namhlanje..