Angazi ukuphi njengamanje ngokobudlelwane bakho noJesu , kodwa ingxenye eseqhulwini yabo lobudlelwane ngukuba kunye nomzimba  waKhe ,ube yingxenye yomndeni wabakholwayo. 

Eminye yemibuzo engivamisa ukubuzwa yona ngukuthi ngingalikhetha kanjani isonto elingcono ukuba yingxenye yalo ? Futhi ngenxa yokuthi ngumbuzo osemqoka lo ,uyinto engikhulumayo kakhulu ngayo ,kumbe angithi engifundisayo ngayo .

Kulula uma usuke ucinga ibandla ongaba yingxenye yalo ukuthi ubuke izinto ezibonakalayo ngaphandle . Ukuthi amalunga alelo bandla ahlala endaweni enjani ,uhlobo lokuhlabelela , uhlelo lwezingane ,ukuba lula kokufinyelela khona , uma unemoto ucabange nge parking injani kumbe amatekisi aseduze yini nakhona  ngisho nezihlalo imbala ukuthi zintofontofo yini .

Kodwa esikhathini lakhona esibukeka siya ngokuya singalinaki iqiniso singakhathazeki ngalo ,futhi sibuka kakhulu ubuntofontofo bethu nenhlalonhle , sikwi- risk yokulahlekelwa yizinto ezisemqoka .

KuThithu  1:9  Obambelele ezwini elithembekileyo ngokwesifundiso, aze abe nakho nokuyala ngesifundiso esiphilileyo nokwahlula abaphikayo.

Lendima uma uyibukisisa ngesiGrekhi eyayibhalwe ngaso ikhuluma  “ngesifundo esiphilayo esiliqiniso ” – yiyo ke leyo ! Ubani okhathazekile ngesifundiso ? Yebo,yindlela esemqoka ukusho ukuthi ibandla limelwe ukufundisa iqiniso eliyilo .Akekho noyedwa kithina ongafuni ukudedela iqiniso ,uthando namandla kaNkulunkulu athelwe ezinhliziyweni zethu . Ngoba akekho noyedwa kithini ongenalo uhlobo oluthile lwesono esisodwa nje okumele abhekane naso  empilweni yakhe .

Njengokuba omunye wake wathi; musa ukucinga ibandla eliseduze nekhaya lakho . Cinga ibandla eliseduze kakhulu neBhayibheli . Yilapho kanye ozothola khona ukuphiliswa komphefumulo wakho .

Futhi Yilo kanye iZwi likaNkulunkulu leli … Eliza kuwe li-Fresh namhlanje..