Iqiniso liyinto othi mawubuka ngokwalezinsuku  zokugcina kube nzima ukubambelela kulona ,njengokuba wayeqagulile uJesu  , Njengokuba isikhathi sisondela  sokubuya kukaKhrestu kuningi okuhlose ukupholisa uthando nenhlakanipho kaNkulunkulu,qede kufuna ukufaka esikhundleni inhlakanipho yoluntu …..enemiphumela eyincithakalo . 

Lokho ,ukubona yonke indawo awukuboni ? Amandla obumnyama edangalisa uthando lukaNkulunkulu ,oluza kithi ngoJesu ,iNdodana yaKhe ,okuthi uma umhlaba uya ngokuya uqhela kulezondaba ezinhle ,kukhulisa ingcindezi kithina  esizikholelwayo ,ingcindezi yokufuna ukudonseleka kulamanga . 

Yingcindezi le eza kithina macala onke .Iqhamuka ngezinkolelo  nezimfundiso ezithile zepolitiki  nokuningi okufuna  ukusivalela ekhoneni ukuba sikholwe yikho .Kusuka ekuxegelweni yizimilo esikuthola emiphakathini  yethu . Kuze kuyofika ekugcizelelweni kwenkululeko yomuntu ngayedwana engabhekile ukuthi ngesikhathi ekuleyonkululeko abanye ibaphatha kanjani bona . 

Ungalenzi iphutha ulale ,yitulo likasathane leli lokuyisa eslaheni bonke abakholwa nguJesu .Kuyinto esingena kwelikamoya ,emizweni yenhliziyo ,nasenyameni imbala futhi ngesikhathi kwenzeka siyaliziba igalelo layo elimbi  ensindisweni yethu,sihambe sibhekise amakhanda phambili okwezimvu zilandela eyohlatshwa . 

Kodwa asingalokothi sizitshele ukuthi yinto entsha le :

2 EkaThimothewu 1:13,14Isibonelo samazwi aphilayo masibe yilawo owawezwa kimi ngokukholwa

nangothando olukuKristu Jesu;  okuhle okubekiwe kuwe ukulonde ngoMoya oNgcwele ohlala kithi

Ngamazwi kaPhawuli lawa awabhalela insizwa ayesayikhulisa ebuholini uThimothewu, emqinisa ukubambelela eqinisweni ,ngoba lawomandla obumnyama ayephila enamandla nanakulezonsuku .Kodwa simelwe ukukuqaphela kanjani okuligugu okuhle kithi ,ukufakwa umusa neqiniso likaNkulunkulu  esethenjwe ngalo ,kulezinsuku ezimnyama nsuce ?  

Ngokusizwa  nguMoya oNgcwele ohlala kithi  singakwazi ukulonda okuhle okubekiwe kithi !

Bambelela eqinisweni ngamandla kaNkulunkulu .Ungalokothi ulivumele liphume kuwe ! 

Yilona kanye iZwi likaNkulunkulu leli … Eliza kuwe li-Fresh namhlanje..